Fjölnet hýsir fjárhagsáætlunarkerfi ríkisins


Fjársýsla ríkisins hefur samið við Fjölnet um hýsing á fjárhagsáætlunarkerfi ríkisins.
Samningurinn kemur í kjölfar útboðs Fjársýslunar í gegnum Ríkiskaup þar sem Fjölnet var valið.
40 stofnanir og ráðuneyti munu nýta sér kerfið sem ætlað er til að samræma og einfalda verklag við ársáætlanagerð.

„Tilgangurinn með innleiðingu á áætlanakerfi er að ná betri yfirsýn og markmiðum um breytt verklag við áætlanagerð, sem leiðir af nýlegum lögum um opinber fjármál.  Í þeim er að finna ákvæði sem ætlað er að stuðla að virkara eftirliti með stjórn og ráðstöfun opinbers fjár og leiða til aukins aga við framkvæmd fjárlaga með því að ábyrgð og skyldur eru skýrar og gagnsæjar.  Að auki er markmið ríkisins að bæta áætlanagerð til lengri tíma og mun skilvirkara verklag einfalda vinnu og auka gæði við gerð áætlana.“
Fjársýsla ríkisins er þjónustu- og þekkingarstofnun á sviði opinberra fjármála og sér um fjármál ríkisins.

Á mynd frá vinstri Styrkár Hendriksson fyrir hönd Fjársýslu ríkisins og Sigurður Pálsson framkvæmdarstjóri Fjölnets.
Fjölnet býður Fjársýslu ríkisins velkomin í hóp ánægðra viðskiptavina.